Digital payment infrastructure aur ₹2,000 se adhik ki UPI transactions par surcharge lagaye jaane ki charchao ke beech ab Petrol Pump Association ne morcha khol diya hai. Association ne saaf shabdon mein chetavni di hai ki agar yeh niyam lagu hota hai, toh petol pumpon par ₹2,000 se upar ke petrol-diesel ki khareed par UPI se payment nahi li jayegi. Aise halat mein grahakon ko cash (nakad) payment hi karni hogi.
Association ke pradhan Ashok Sachdeva ne bataya ki filhal petrol pumpon par kareeb 30% business digital UPI transactions ke zariye hota hai. Petrol-diesel mein dealer margin pehle se hi behad kam hai, aise mein extra fee ka bojh pump malik nahi utha sakte. Isliye surcharge लागू hote hi pumpon par cash payment ka board laga diya jayega. Unhone sarkar se ise aam zaroorat batate hue fee se chhoot dene ki mang ki hai.
Doosri taraf grahakon aur aam janta ne bhi is prastavit surcharge par kafi narazgi jatayi hai. Log ab kam cash lekar chalte hain aur digital payment par nirbhar hain. Aise mein ₹2,000 ki limit aam logon ke pocket par seedha asar dalegi.
